கடந்த வருடம் மே 9 ஆம் திகதி இடம்பெற்ற சம்பவம் தொடர்பில் முன்னாள் ஜனாதிபதி மஹிந்த ராஜபக்க்ஷ உள்ளிட்ட பலருக்கு எதிராக விதிக்கப்பட்டிருந்த வெளிநாட்டு பயணத்தடை முற்றாக நீக்கப்பட்டுள்ளது.
இதன்படி, இந்த உத்தரவு நாடாளுமன்ற உறுப்பினர்களான ரோஹித அபேகுணவர்தன, அமைச்சர் பவித்ரா வன்னியாராச்சி மற்றும் முன்னாள் மாகாண சபை உறுப்பினர் காஞ்சன ஜயரத்ன ஆகியோருக்கும் பொருந்தும்.
வெளிநாட்டு தடையை நீக்குவதற்கான இந்த உத்தரவு கோட்டை நீதிவான் நீதிமன்றத்தினால் பிறப்பிக்கப்பட்டுள்ளது.
சந்தேக நபர்கள் என பெயரிடப்படாததால், அவர்களின் பயணத்தடையை நீக்குமாறு ஜனாதிபதி சட்டத்தரணி ஷவேந்திர பெர்னாண்டோ விடுத்த கோரிக்கையை பரிசீலித்த நீதிவான் இந்த உத்தரவை பிறப்பித்தார்.
