கடந்த கால யுத்தத்தால் இடம்பெயர்ந்த வடமாகாண மக்களின் மீள்குடியேற்றத்துக்கான நிதி உதவியை 2.25 மில்லியன் டொலரால் அதிகரிக்க அமெரிக்கா தீர்மானித்துள்ளது. இதன் மூலம் மீள்குடியேற்றப்பட்டிருக்கும் 9000 குடும்பங்கள் பயனடைவார்கள் என்று கணக்கிடப்பட்டுள்ளது.
வீடுகளைக் கட்டுதல், மீள்குடியேற்றம் சம்பந்தப்பட்ட ஏனைய இதர நலன்களை நிறைவேற்றுதல் ஆகியவற்றுக்காக இந்நிதி பகிர்ந்தளிக்கப்படும். இந்நிதிப் பங்கீடுகள் ஐக்கிய நாடுகள் சபையின் அகதிகள் உயர்ஸ்தானிகராலயத்தால் மேற்கொள்ளப்படும். இதற்கு முன்னர் மீள்குடியேற்ற முன்னெடுப்புகளுக்காக அமெரிக்கா 33மில்லியன் அமெரிக்க டொலரை வழங்கி இருந்தமை குறிப்பிடத்தக்கது.
