இடம் பெயர்ந்து வவுனியாவில் தங்கியுள்ள மக்களின் அவலநிலை குறித்த தகவல்களை வெளியிட்ட யுனிசெவ் அமைப்பின் தொடர்பாடல் பணிப்பாளரை உடனடியாக நாட்டில் இருந்து வெளியேற இலங்கை அரசு நேற்றுமுன்தினம் உத்தரவிட்டுள்ளது எனத் தெரிவிக்கப்படுகிறது. இடம்பெயர்ந்த மக்கள் தங்கியுள்ள முகாம்கள் தொடர்பாக பொய்யான தகவல்களை உலகிற்கு இவர் வெளியிட்டுள்ளார் என்று அரசு குற்றம் சுமத்தியுள்ளது.
யுனிசெவ் அமைப்பின் தொடர்பாடல் பணிப்பாளர் ஜேம்ஸ் எல்டர், இடம்பெயர்ந்த மக்கள் பட்டினியால் இறக்கின்றனர் எனவும் குழந்தைகள் போஷாகின்மையால் பாதிக்கப்பட்டுள்ளனர் எனவும் தெரிவித்திருந்தார்.
இவர் தெரிவித்த விடயங்கள் உண்மைக்கு புறம்பானவை எனவும், அவர் பொய்யான செய்தியை ஐராப்பா உள்ளிட்ட உலக நாடுகளுக்கு வெளியிட்டுள்ளர் எனவும் அரசு குறிப்பிட்டுள்ளது. இதனையடுத்தே யுனிசெப் பணிப்பாளரை நாட்டிலிருந்து வெளியேறுமாறு இலங்கை அரசு பணித்துள்ளது எனத் தெரிவிக்கப்பட்டுள்ளது.
