யாழில் வாள்வெட்டு – அறிவித்து ஒரு மணித்தியாலமாகியும் சம்பவ இடத்துக்கு வராத பொலிஸார் !

யாழ்ப்பாணம்- குருநகர் கடற்கரை வீதியிலுள்ள திருச்சிலுவை சுகநல நிலையத்துக்கு அருகில் இடம்பெற்ற வாள்வெட்டுச் சம்பவத்தில் படுகாயமடைந்த மூவர் வைத்தி்யசாலையில் சிகிச்சைப் பெற்று வருகின்றனர்.

நேற்று (ஞாயிற்றுக்கிழமை) மாலை, குருநகர் கடற்கரை வீதியின் ஊடாக ஒரு மோட்டார் சைக்கிளில் மூவர் பயணித்த வேளையில், அவர்களை இரண்டு மோட்டார் சைக்கிள்களில் துரத்தி வந்த நால்வர், வாள்வெட்டுத் தாக்குதலை நடத்திவிட்டுத் தப்பிச் சென்றுள்ளனர்.

குறித்த தாக்குதலில் படுகாயமடைந்த மூவரும் , அந்தப் பகுதியைச் சேர்ந்தவர்களினால் உடனடியாக யாழ்ப்பாணம் போதனா  வைத்தியசாலைக்கு  கொண்டு செல்லப்பட்டனர்.

இவ்வாறு படுகாயமடைந்த மூவரில் ஒருவரின் கால்கள் இரண்டும் கடுமையாக வெட்டுக்காயங்களுக்கு உள்ளாகியதாக அந்தப் பகுதியைச் சேர்ந்தவர்கள் தெரிவித்துள்ளனர்.

மேலும் சம்பவம் தொடர்பாக குருநகர் பொலிஸ் காவலரணுக்கு உடனடியாக தகவல் வழங்கப்பட்டப்போதும், சுமார் ஒரு மணிநேரமாக பொலிஸார் சம்பவ இடத்துக்கு வருகை தரவில்லை எனவும் கூறப்படுகின்றது.

நாடு முழுவதும் தனிமைப்படுத்தல் ஊரடங்குச் சட்டம் கடுமையாக நடைமுறைப்படுத்தப்பட்டு, பொலிஸாரும் முப்படையினரும் பாதுகாப்பு கடமைகளில் ஈடுபட்டு வரும் நிலையில் இத்தகைய தாக்குதல் சம்பவம் இடம்பெற்றுள்ளமை குறிப்பிடத்தக்கது.

Show More
Leave a Reply

Your email address will not be published. Required fields are marked *