Tuesday, January 25, 2022

“ஆசிரியர் சங்கங்கள் முன்னெடுத்த தொழிற்சங்க நடவடிக்கை 98% வெற்றி.” – ஜோசப் ஸ்டாலின்

ஆசிரியர் சங்கங்கள் முன்னெடுத்த தொழிற்சங்க நடவடிக்கை 98% வெற்றி பெற்றதாக நிரூபிக்கப்பட்டுள்ளது என இலங்கை ஆசிரியர் சங்கத்தின் பொதுச் செயலாளரான ஜோசப் ஸ்டாலின் தெரிவித்துள்ளார்.

இன்று ஊடகங்களுக்கு கருத்து தெரிவிக்கும் போதே அவர் இதனை தெரிவித்துள்ளார்.

மாணவர்கள் மற்றும் ஆசிரியர்கள் பங்கேற்காமல் பாடசாலைகளை மீண்டும் திறக்க பல மாகாண அதிகாரிகள் மற்றும் பொலிஸார் முயற்சித்ததாக தகவல்கள் கிடைத்துள்ளதாகவும் அவர் குறிப்பிட்டார்.

பொதுப் பாதுகாப்புத்துறை அமைச்சரான சரத் வீரசேகர, ஆசிரியர்கள் மற்றும் அதிபர்களை அச்சுறுத்தும் நோக்கம் தொடர்பில் அவர் கேள்வி எழுப்பியதுடன், அவர் கல்வியமைச்சர் அல்ல எனவும் அவர் தெரிவித்தார்.

இதே நேரம் அனைத்து மாகாணங்களிலிருந்தும் ஆயிரக்கணக்கான மாணவர்கள் இன்று பாடசாலைகளுக்கு சமூகமளித்துள்ளதாக கல்வி அமைச்சரான தினேஷ் குணவர்தன தெரிவித்துள்ளமையும் குறிப்பிடத்தக்கது.

Show More
Leave a Reply

Your email address will not be published. Required fields are marked *